Pasalao

- ທາງສາສນາພຸດ ແລະທາງວັດທະນະທັມລາວ ຖືກັນເລື່ອງການທໍາຂໍຂະມາລາໂທດ ແກ່ທ່ານຜູ້ມີຄຸນ ຈະທໍາຜິດແກ່ກັນຫຼືບໍ່ທໍາກໍຕາມ ຕ້ອງຂໍຂະມາໂທດຕໍ່ກັນ ເພື່ອບໍ່ໃຫ້ມີບາບກໍາ ຫຼືສະແດງເຖິງຄວາມກະຕັນຍູຕໍ່ທ່ານຜູ້ມີພຣະຄຸນ ເຊັ່ນ:
1. ລູກຄາຣະວະ ພໍ່ແມ່
2. ເມັຍຄາຣະວະ ຜົວ
3. ສິດສານຸສິດ ຄາຣະວະຄຣູ, ອຸປັດຊາອາຈານ ເຫຼົ່ານີ້ເປັນຕົ້ນ.
------------
ຄໍາຄາຣະວະ ນັ້ນມີດັ່ງນີ້.
- ເປັນພາສາປາລີ: (ຄາຣະວະຫຼາຍຄົນ)

1. ຄາຣະວະພຣະເຖຣະ
ຜູ້ຄາຣະວະ (ໝອບລົງກັບພື້ນ)
- ເຖເຣ ປະມາເທນະ ທະວາຣັຕຕະເຍນະ ກະຕັງ ເມ ໂທສັງ ອະປະນາຄະຕັງ ເມ ໂທສັງ ປັຈຈຸບັນນັງ ເມ ໂທສັງ, ສັພພັງ ໂທ ສັງ ຍັງຍັງ ໂທສັງ ອັປປຣະຣາທັງ ຂະມະຕຸໂນ ພັນແຕ (ວ່າຊໍ້າກັນ 3 ຫົນ)
ຜູ້ຮັບ:
- ອະຫັງ ຂະມະມິ ຕູມເຫຫິປິ ເມ ຂະມິຕັພພັງ.
ຜູ້ຄາຣະວະ (ໝູບຢູ່)
- ຂະມາມະ ພັນເຕ
ທັງຜູ້ຄາລະວະ ແລະຜູ້ຮັບ ວ່າພ້ອມກັບ ສາທຸ.

1. ຄາຣະວະພຣະເຖຣະ (ຄາຣະວະຜູ້ດຽວ)

ຜູ້ຄາຣະວະ (ໝອບລົງກັບພື້ນ)
- ເຖເຣ ປະມາເທນະ ທະວາຣັຕຕະເຍນະ ກະຕັງ ເມ ໂທສັງ ອະປະນາຄະຕັງ ເມ ໂທສັງ ປັຈຈຸບັນນັງ ເມ ໂທສັງ, ສັພພັງ ໂທ ສັງ ຍັງຍັງ ໂທສັງ ອັປປຣະຣາທັງ ຂະມະຖະ ພັນແຕ (ວ່າຊໍ້າກັນ 3 ຫົນ)
ຜູ້ຮັບ:
- ອະຫັງ ຂະມະມິ ຕະຍາປິ ເມ ຂະມິຕັພພັງ.
ຜູ້ຄາຣະວະ (ໝູບຢູ່)
- ຂະມາມະ ພັນເຕ
ທັງຜູ້ຄາລະວະ ແລະຜູ້ຮັບ ວ່າພ້ອມກັບ ສາທຸ.

- ໝາຍບອກ:
ກ. ຄໍາວ່າ ເຖເຣ ໃຫ້ໃຊ້ກັບພຣະສົງອາຍຸພັນສາແກ່ແຕ່ 10 ປີຂຶ້ນໄປ,
ຂ. ຖ້າເປັນອຸປະຊາ ກໍໃຫ້ປ່ຽນ ເຖເຣ ເປັນ ອຸປັຊຊາເຍ
ຄ. ຖ້າເປັນອາຈານ ໃຫ້ປ່ຽນ ເຖເຣ ເປັນ ອາຈະຣິເຍ
ງ. ຫາກເປັນສົງ ຄືຜູ້ຄາຣະວະ ເປັນພຣະພິກຂຸ ແຕ່ 4 ອົງຂຶ້ນໄປ ອາຍຸພັນສາຄະນະສົງນັ້ນຕໍ່າກວ່າ 10 ພັນສາລົງມາ ໃຫ້ປ່ຽນ ເຖເຣ ເປັນ ສັງເຄ, ຫາກເປັນສົງ ພັນສາແກ່ຕັ້ງແຕ່ 10 ພັນສາຂຶ້ນໄປ ມີເກີນ 4 ອົງ ໃຫ້ວ່າ ສັງຄະມະຫາເຖເຣ ຫາກຕໍ່າກວ່າ ອົງລົງມາແຕ່ພັນສາສູງ ແຕ່ 10 ພັນສາຂື້ນໄປ ໃຫ້ວ່າ ມະຫາເຖເຣ ແທນ.
- ຄໍາຄາຣະວະນີ້ ຫາກເອົາໄປໃຊ້ນໍາພໍ່-ແມ່ ກໍໃຫ້ປ່ຽນ ເຖເຣ ເປັນ ມາຕາ ປິຕຸເຍ