ຂ່າວ: ຈັນສີ
ເຈົ້າຫນ້າທີ່ໂຄງການຄົ້ນຄວ້າບູຮານວິທະຍາລຸ່ມແມ່ນ້ຳຂອງຕອນກາງກ່າວວ່າ: ໃນ ສປປ ລາວ ໂດຍສະເພາະທີ່ຫລວງພະບາງແມ່ນ ມີຫລັກຖານທາງບູຮານວິທະຍາຍຸກກ່ອນປະຫວັດສາດຫນ້າສົນໃຈຫລາຍໄລຍະ 10 ປີທີ່ດຳເນີນການຄົ້ນຄວ້າຍິ່ງພົບສິ່ງແປກຫນ້າຄົ້ນຫາ ຈິ່ງຄາດວ່າຫລັງສິ້ນສຸດສັນຍາໃນປີ 2010 ນີ້ ຈະສືບຕໍ່ເຮັດສັນຍາສະບັບໃຫມ່ຫວັງລົງເລິກການວິໄຈສິ່ງທີ່ຂຸດຄົ້ນໄດ້ໃຫ້ມີຄວາມຊັດເຈນ ຍິ່ງຂຶ້ນ.
ພົບເສດສ່ວນເຄື່ອງປັ້ນດິນເຜົາຊະນິດເນື້ອອ່ອນແບບມີການຕົກແຕ່ງລາຍຮອຍຂີດທາບ, ຫອຍ ແລະອື່ນໆ. ຈາກນັ້ນຈິ່ງດຳເນີນການຂຸດຄົ້ນຕົວຈິງປີ 2007 ເປັນຄັ້ງທຳອິດທີ່ຖ້ຳພູຜາຂາວໃກ້ກັບບ້ານໂພນສະຫວາດເມືອງຫລວງ ພະບາງຈາກການວິໄຈອາຍຸການຂອງແຂ້ວຄົນພົບວ່າ ສິ່ງທີ່ພົບເຫັນນີ້ມີອາຍຸ 1.800 ປີ ກ່ອນ ພ.ສ ປະຈຸບັນ ແລະ ກ້າວສູ່ຈຸດຂຸດຄົ້ນທີ່ ສອງທີ່ຖ້ຳວັງຕາແຫລວບ້ານຜາແດງເມືອງດຽວກັນ ເຊິ່ງຫ່າງຈາກເທດສະບານເມືອງໄປປະມານ 40 ກິໂລແມັດ ກໍ່ໄດ້ພົບຫລັກຖານອັນ ໂດດເດັ່ນຂອງມະນຸດບູຮານທີ່ມີອາຍຸໄດ້ 11.000 ປີຄື ເປັນຍຸກຕົ້ນຂອງສະໄຫມໂລໂລຊີນ ເຊັ່ນດຽວກັນຖ້ຳພູຜາຂາວເຊິ່ງຄັ້ງນີ້ແມ່ນຮູ້ອາ ຍຸການດ້ວຍການນຳເອົາຂີ້ເຖົ່າໄປວິໄຈດ້ວຍກາກບອນ 14 ອົງສາ ສ່ວນອີກສອງແຫລ່ງ ສຸດທ້າຍຄືທີ່ຖ້ຳເສືອບ້ານຫາດຄັ່ງ ແລະຖ້ຳອານ ມ້າບ້ານຊຽງມວກ ແມ່ນຜົນການວິໄຈຍັງບໍ່ທັນອອກມາຈິ່ງຍັງຄົງເປັນປິດສະຫນາຢູ່ສຳລັບອາຍຸການ.
