ລາວ ຈະສະເໜີ ອຸຍເເນັດສະໂກ ເອົາປ່າສະຫງວນແຫ່ງຊາດ ຫີນໝາມໜໍ່ເປັນມໍລະດົກໂລກ
ໃນລະຫວ່າງວັນທີີ 24-26 ກໍລະກົດ ປີ 2009 ຜ່ານມານີ້ ເຊີ່ງນໍາໂດຍທ່ານ ໝູນແກ້ວ ອໍລະບູນ ລັດຖະມົນຕີວ່າການ ກະຊວງຖະແຫຼງຂ່າວ-ວັດທະນະທໍາ ໄດ້ລົງກວດກາ ເບິ່ງຄວາມຄືບໝ້າ ການຄົ້ນຄ້ວາວິໃຈ ຄວາມເປັນໄປໄດ້ໃນການຈັດນໍາສະເໜີ ເຂດປ່າສະຫງວນແຫ່ງຊາດຫີນໜາມໜໍ່ ຕັ້ງຢູ່ແຂວງຄໍາມ່ວນ ຕໍ່ອົງການ ອຸຍແນັດສະໂກ ເພື່ອ ເຂົ້າລາຍງານການບັນຊີຂອງມໍລະດົກໂລກ ເນື່ອງຈາກປ່າສະຫງວນມີຄວາມເປັນເອກະລັກທາງດ້ານພູມສັນຖານ ກໍຄືຄວາມອຸດົມສົມບູນຂອງຊີວະນາໆພັນ ແລະກໍເຊື່ອມຕໍ່ກັບ ອຸທະຍານແຫ່ງຊາດ ຟອງຫຍ່າ-ແກບັງ ຊຶ່ງໄດ້ຮັບການສະເໜີເຂົ້າເປັນເຂດມໍລະດົກໂລກ ໃນປີ 2003 ຊຶ່ງຕັ້ງຢູ່ຕາມຊາຍແດນທາງປະເທດ ຫວຽດນາມ.
ເຂດປ່າສະຫງວນແຫ່ງນີ້ກວມເອົາເນື້ອທີ່ 82.000 ເຮັກຕາ ເປັນທີ່ພັກອາໄສຂອງສັດທີ່ລ້ຽງລູກດ້ວຍນົມຫຼາຍກ່ວາ 40 ຊະນິດ ມີນົກຫຼາຍກ່ວາ 200 ຊະນິດ ເຈຍ 25 ຊະນິດ ມີສັດເຄິ່ງບົກ-ເຄິ່ງນໍ້າ ແລະສັດເລືອຄານຢ່າງໝ້ອຍ 46 ຊະນິດ ແລະພືດ 520 ກ່ວາຊະນິດ ສິ່ງສໍາຄັນບັນດາພືດ-ສັດຫຼາຍຊະນິດແມ່ນໃກ້ຈະສູນພັນ.
ຄັດຈາກ ວຽງຈັນໃໝ່
