ເມື່ອກ່ອນຢູ່ຫຼວງພະບາງບໍ່ມີໃຜເຮັດລາບໝູດິບກິນກັນຈັກເມື່ອມີແຕ່ລາບສຸກ (ຊີ້ນແລະເຄື່ອງໃນຕ້ອງສຸກ)
ກ່ອນຈະເອົາເລືອດລົງປົນ ເອີ້ນວ່າລາບເລືອດໝູ. ແຕ່ວ່າມາຍຸກນີ້ຊີ້ນເປັນຊີ້ນດິບ ເຄື່ອງໃນແລະໜັງສຸກ
ໃຜກ້າກິນແດ່ລາບເລືອດດິບເມືອງຫຼວງຍຸກໃໝ່ຈົ່ງເຂົ້າມາສົນທະນາກັນເຖິງຣົສຊາດແລະຄວາມປອດພັຍ.
ເຄີຍກິນແທ້ຊີ້ນສຸກ ເຄື່ອງໃນສຸກ ເລືອດດິບ, ແຕ່ຊີ້ນດິບ ເລືອດດິບ
ເຄື່ອງໃນສຸກບໍ່ເຄີຍກິນ.
30 ປີ ທີ່ໄດ້ມາຢູ່່ບ້ານເມືອງທີ່ຄ່າປະກັນໄພສຸຂະພາບແພງ ກ້າກິນແຕ່
ອາຫານທີ່ສຸກແລະຖືກຕ້ອງຕາມຫຼັກອະນາໄມ, ໝາກເຜັດ ໝາກເຂືອ
ໝາກສີດາກໍ່ຄວັດໄນຖິ້ມ ກິນແຕ່ເນື້ອ. ເວລາກິນອ້ອຍກໍ່ໃຊ້ມີດປອກ
ບໍ່ກ້າໃຊ້ແຂ້ວກັດເໝືອນຕອນຢູ່ລາວ ອາຫານຫຍາບໆແຂງໆຄືແກ່ນຂາມ
ກໍ່ບໍ່ໄດ້ກິນແລ້ວ ເພາະຕ້ອງປະຢັດຄ່າປະກັນໄພ ຝາກໄປໃຫ້ເອື້ອຍນ້ອງຊໍື້
ລົດວິໂກຂີ່ໄປກິນເບຍແຄມຂອງ.
ພີ່ນ້ອງຂ້ອຍໄປຢາມຍາດຢູ່ຈັງຫວັດເລີຍປະເທດໄທ ເພິ່ນຂ້າໝູເຮັດລາບເລືອດຊີ້ນໝູດິບ
ຕ້ອນຮັບ (ລາບເລືອດຕ້າບາກເໜືອຂອງໄທ = ຊີ້ນໝູດິບ + ເລືອດສົດໆ + ຕົ້ມເຄື່ອງໃນ )
ແບບດຽວກັນກັບຕຳລາຫຼວງພະບາງນັ້ນລະ, ແຕ່ວ່າບໍ່ຈັກເພິ່ນເຮັດຜິດສູດຫຼທຕຳລາແນວ
ໃດບໍ່ຈັກ ພວກທີ່ກິນລາບເລືອດໃນຄືນນັ້ນຖືກໄທບ້ານຫາມຂຶ້ນຣົດໄປໂຮງໝໍໝົດທຸກຄົນ
ໂຊກດີພາກັນລອດຕາຍຢ່າງຫວຸດຫວິດ ແຕ່ບາງຄົນກໍນອນໂຮງໝໍນານກ່ວາ 3 ມື້.
